Skip to main content

mesjamna sera

turas mesjamna sera

Mintga mesjamna sera sera sentupein naven da miez avrel tochen la miez settember per far ina biala tura da cumminonza.

Sentupada ei mintgamai allas 18:30 e mintgin ei envidaus cordialmein.

Nus organisein mintgamai duas turas, gruppa 1 (pli liunga tura) e gruppa 2 (tura pli cuorta)

impurtonts tips per velo da muntogna

  1. Pren risguard sin viandonts cun vargar e cruschar.
    Las rutas grischunas per velo da muntogna ein per gronda part e rutas ch'ein signalisadas sco senda da viandar. Las viandontas ed ils viandonts han da principi la precedenza.
  2. Siara geinas e seivs da pascular cura che has passau ellas.
    Aschia eviteschas ti ch'il muvel scappa e procuras per bia beinvulientscha tier ils purs e personal d'alp.
  3. Schurmegia quei che ti gaudas sez: ina natira intacta, animals, plontas e tiu image.
    Va cul velo da muntogna mo sin vias e sendas signalisadas. Traversar uauls e praus fa donn als animals, allas plontas ed a nossa reputaziun sco ciclistas e ciclists da muntogna.
  4. Freina bu cun bloccar las rodas.
    Quei fa donn al trutg ni al percuors ed era a tiu material.
  5. Lai bu anavos rumians.
    En mintga vitg has ti la pusseivladat da dismetter correctamein tes rumians. Aschia tegnas ti quitau dil mund alpin grischun.
  6. Bien equipament.
    Tier la capellina, ils vons ed il scalin sauda era ina protecziun encunter la plievia ed ina protecziun encunter il freid tier igl'equipament da basa, pertgei ins sto adina far quen cun ina midada da l'aura en il mund alpin dil Grischun.
  7. Porta responsabladad.
    S'informescha dalla previsiun da l'aura e dallas pretensiuns dalla ruta tschernida per evittar che peglies bu freid e che ti damognies bu la tura. Sche ti fas ina tura cun velo da muntogna sche fas ti quei adina en atgna responsabladad.
  8. Planisescha tia tura.
    Grazia a guids da rutas e grazia a cartas specialas per velos da muntogna che ti sas cumprar en ina libraria e grazia ad ina gronda purschida d'informaziuns egl internet anflas adina la dretga via.
  9. noda la numbra dalla polizia 117, dil clom d'agid 144 (Europa 112) e dalla Rega 1414.